د ورځې لخوا یوه مڼه وخورئ له ډاکټره ځان لرې وساتئ، دا خبره به تاسو اوریدلي وي خو اوس هره ورځ دوه مڼې وخورئ او له خطرناکو غوړو ځان وساتئ.
په یو تازه څېړنه کې راغلي چې د ورځې دوه مڼې خوړل کولائ شي چې ستاسو بدن کې د مضرو یا خطرناکو غوړو کچه راکمه کړي، په وینه کې خطرناک غوړ چې روغتیا ته ډیر زیان لري چې نن سبا پرې ډیري عمرخوړلي کسان اخته دي که څوک اوس مضره کولیسټرول( BAD CHOLESTROL)ولري نو دغه کسان اوس کولائ شي په دوه اونيو کې دغه غوړ کم کړي او هغه هم په ډیرې اسانۍ سره یوازې دوه اونیو پورې د دوه مڼو خوړل دغه غوړ کموي، دغه څېړونکي وايی، چې په مڼه کې شته فایبر او پولي فینولز شتون لري چې له امله خوراک سره ۵ فیصده غوړ کمیږي.
په برتانیا کې د ریډنګ يونیورسټي پروفیسور جولی لوګرو په ۴۰ تنو چې درمیانه عمر لرونکي ول په دوه ډلو وویشل په لومړۍ ډله يې د مڼو جوس وڅښلو او په دوهمه ډله يې د ورځې دوه منې خوړلي د شپږ اونیو په تېریدو سره هغه ډلې چې د ورځې يې دوه مڼې خوړلي مضره کولیسټرول يې ۵ فیصده کم شوي وه.
خو ځینو د طب منتقدینو په دې څېړنې نیوکه کړي او ویلي دي چې په دې څېړنه کې ډیر کم کسان شامل وه باید دا څېړنه په یو لوی ابادئ تر سره شوي وايي چې تر څو سمه نتیجه یې ورکړي وايي.
