کابل ټکی کام (پنجشنبه، ۲۸ ليندۍ، ۱۳۹۸ل)
د قطر امیر تمیم بن حمد الثاني د ماليزيا په پلازمینه کولالمپور کې د اسلامي هيوادونو غونډه کې د وينا پر مهال وويل،چې سیمه کې د نا امنۍاو ستونزو اصلي لامل اسراییل دی.
دنوموړي زياته کړه: “د ثبات تر ټولو مهم اصل د دوه اړخیز درناوي پر بنسټ د اړیکو رغول دي؛ خو اسراییل ډېر وخت دا اصل په پام کې نه نیسي”. د قطر امیر د خپلو خبرو پر دوام زیاته کړه:”دوی په سیمه کې د زور، محاصرې، دیکتاتوري او انحصار مخالف دي او نور هېوادونه هم باید دې اصولو ته په پام خپل کورني او بهرني سیاستونه تنظیم کړي او په ټولو هېوادونو کې له تروریزم څخه مشخص تعریف ولري.”
د يادونې وړ ده، چې نن پنجشنبه(دسمبر۱۹) د نړۍ په کچه مسلمانانو ته د ورپېښو ستونزو او کړاوونو په اړه د بحث لپاره د ماليزيا په کوربتوب د ياد هيواد په پلازمېنه کولالمپور کې د ۲۲ اسلامي هېوادونو څلور ورځنۍ غونډه نن پيل شوې ده.
