کابل ټکی کام (یکشنبه، ۲۵ مرغومي، ۱۴۰۱ل)
د اسلامي همکاریو سازمان مشر “حسین ابراهیم طه” وايي، چې د یاد سازمان په همغږۍ به په نیږدې راتلونکي کې د اسلامي نړۍ د علماوو یو لوړ پوړی پلاوی افغانستان ته استوي.
د نوموړي په خبره، چې د پلاوي غړي به یې د اسلامي امارت په رهبرۍ د افغان حکومت سره د ښځو پر زده کړو، کار او یو شمېر نورو موضوعاتو خبرې وکړي.
ښاغلي “طه” د خپلو خبرو پر دوم ټینګار کړی، چې، د پلاوي خبرې به له لومړنیو حقونو، لکه زده کړو، کار او ټولنیز عدالت د افغان نجونو او ښځو پر محرومیت ورټولې وي.
دا په داسې حال کې ده چې د اسلامي همکاریو سازمان د تېرې چهارشنبې په ورځ په سعودي عربستان کې د افغان مېرمنو او نجونو پر زده کړو د اسلامي امارت په مشرۍ د افغان سرپرست حکومت له خوا د لګول شویو بندیزونو په اړه غونډه کړې وه او په یوه اعلامیه کې یې د ښځو د زده کړو او کار ځنډول د اسلامي ارزښتونو نقض ګڼلی و.
د ویلو ده چې د افغانستان اسلامي امارت په رهبرۍ د افغان حکومت مرکزي ویاند “ذبیح الله مجاهد” د یوې اعلامیې په خپرولو سره، د اسلامي همکاریو د سازمان له غونډې او د افغانستان په اړه له اعلامیې څخه هرکلی کړی و او ویلې یې و، چې د ښځو د تعلیم په اړه د اسلامي همکاریو سازمان اندېښنې د درک وړ دي، خو یاده ستونزه موقتي ده او ژر به حل شي.
د اسلامي همکاریو د سازمان د غونډې په اړه د اسلامي امارت د ویاند څرګندونې
د ا.ا.ا د اسلامي همکاریو دسازمان له غونډې او دافغانستان په اړه اعلامیې څخه هرکلی کوي.
واقعا هم نړیوال باید له افغانانو سره خپلو همکاریوته دوام ورکړي او څوک د افغانستان په کورنیو چارو کې مداخله ونکړي.
۳/۱— Zabihullah (..ذبـــــیح الله م ) (@Zabehulah_M33) January 12, 2023
