کابل ټکی کام (چهارشنبه، ۳ جوزا، ۱۴۰۲ل)
د بهرنيو چارو سرپرست وزير په کابل کې د چين له سفير وانګ يو سره کتلي دي. د بهرنیو چارو وزارت ویاند پر خپله ټویټر پاڼه لیکلي چې په دې کتنه کې د چين سفير ویلي، چې له افغانستان سره يې خپلې اړيکې نورمال ساتلي او غواړي دغه اړيکې لا پياوړي شي. نوموړي زیاته کړه چې ډېر ژر به د افغانستان او چين ترمنځ مستقيم پروازونه پيل شي، همدارنګه به د مس عينک کان ابتدايي چارې چټکې شي. وانګ یو ویلي، چې د افغانستان څخه چين ته د صادراتو کچه زیاتوي او د جمهوريت روغتون د بيا رغونې تر څنګ په افغانستان کې د ارزان بيه کورونو پروژه هم پرانیزي. په دې لیدنه کې د بهرنیو چارو سرپرست وزیر د افغانستان او چین تر منځ د پروازونو پيل د اړيکو د پياوړتيا لپاره يو ښه فرصت بللی او د ويزو په ورکړه کې يې د لا اسانتياوو غوښتنه کړې ده.
