کابل ټکی کام (دوشنبه، ۲۱ کب، ۱۴۰۲ل)
د حماس اسلامي غورځنګ د سیاسي دفتر مشر او د فلسطین د خپلواکې ادارې پخواني لومړي وزیر “دکتور اسماعیل هنیه” په خپلو تازه څرګندونو کې ویلي، چې د فلسطيني ملت استقامت به اشغالګر پرېنږدي چې خپلو موخو ته ورسيږي.
هنیه اسرائیلو سره خبرو اترو ته په اشارې ویلي:.مونږ غزه کې د روانو جنګي جنایاتو د توقف لپاره منځګړو ته یوه دري مادیزه تګلاره وړاندې کړي او د دښمن د جواب په تمه یو.
مونږ په لویدیځه غاړه او غزه کې د صهیونیسټي نیواک د ختمولو او دبیت المقدس د پلازمینې په توګه دفلسطیني دولت دجوړولو لپاره سیاسي تګلاره وړاندې کړې ده.
هنیه د خپلو خبرو پر دوام ویلي:
موږ د صهیونیستي رژیم سره د یو موافقې د ترلاسه کولو لپاره پنځه شرائیط وړاندې کړې.
غزه کې د جګړې بندول او د غزې څخه د اشغالګرو پوځ بشپړ وتل.
خپلو کورونو ته د بې ځایه شویو راستنیدل او د صهیونیستي رژیم سره د بندیانو د تبادلې لپاره یو باعزته معامله.
د هنیه په خبره:د صهیونیستي رژیم د وحشیانه تېري په وړاندې د غزې او فلسطیني ملت استقامت به اشغالګر پوځ پرینږدي چې غزه کې خپلو موخو ته ورسيږي.
صهیونیستي دښمن په غزه کې په خپلو ټولو شومو پلانونو کې ناکامه شوی دی او زمونږ خلک د لسګونه زره شهیدانو په قربانۍ سره بریا ته ډیر نژدې دي.
د ویلو ده، چې اسماعیل هنیه د اکتوبر اوومه د فلسطین مسئله کې یو تاریخي بدلون بللی او په خبره یې موږ د دوښمن پر وړاندې بر لاسي یو، زموږ د ځواکونو لخوا پر صهیونیستي ترهګر ريژیم د اکتوبر د اوومې برید به په سیمه ییزه او نړیواله کچه یو ژور او مهم بدلون رامنځته کړي.
