کابل ټکی کام (دوشنبه، ۲۱ کب، ۱۴۰۲)
د یمن د وسله والو ځواکونو ویاند “جنرال یحیی سریع” خبر ورکړی، چې ځواکونو یې د یاد هېواد د لودیځ “الحدیده” ولایت اړوند د بالستیک توغندیو په وسیله یوه برېتانوي بېړۍ ویشتلې ده.
د یحیی سریع په خبره: یادې برېتانوي بېړۍ هڅه کوله، چې صهیونیستي ترهګر او وحشي ریژیم ته د الوتکو تیل او وژونکې وسلې ولیږدوي؛ خو د دوی ځواکونو په نښه کړې، چې په بشپړه توګه ویجاړه شوې ده.
د برېتانیا د وسله والو ځواکونو ویاند هم منلی، چې پر یوې بېړۍ یې برید شوی دی؛ خو پکې د اوښتو زیانونو په اړه یې څه نه دي ویلي.
د ویلو ده، چې د تېر ۲۰۲۳م کال د نومبر میاشتې له ۱۹ مې نېټې راهیسې د یمن وسله والو ځواکونو له لوري په سره سمندرګي او عدن خلیج کې په اسرائیلي، امریکایي او برېتانوي بېړیو ۶۵ بریدونه ترسره شوي، چې په پایله کې یې لسګونه بېړۍ ویشتل شوي او ګڼ شمېر نورې د یمني ځواکونو له لوري نیول شوي دي.
