حماس د بندیانو په اړه د ټرمپ وروستي ګواښونه بې ارزښته ګڼلي
کابل ټکی کام (پنجشنبه، ۱۶ کب، ۱۴۰۳ل)
وروسته له هغه چې تېره شپه د امریکا ولسمشر ټرمپ حماس ته ګواښ وکړ، چې ټول اسرائیلي بندیان باید ژر تر ژره خوشې کړي، یاد غورځنګ د یوې اعلامیې په خپرولو سره د ولسمشر ټرمپ ګواښونه بې ارزښته ګڼلي دي.
حماس اسلامي غورځنګ ټینګار کړی، که څوک د بندیانو خوندي خوشې کېدل غواړي باید تړون ته ژمن پاتې شي کنه ګواښونه نه شي کولی د بندیانو خوشې کولو ته لار هواره کړي، بلکې ګواښونه مسئله لا پیچلې کوي.
د ویلو ده، چې حماس اسلامي غورځنګ یوځل بیا ټینګار کړی، چې تر هغو به تړون ته ژمن پاتې کېږي، چې اسرائیلو جګړه نه وي پیل کړي.
