کابل ټکی کام ۲۵وږی/۱۳۹۴
راپور: احمدالله مهاجر
د روزګان امنیتي چارواکو خبر ورکړی دی، چې د دې ولایت ۴ولسوالۍ لا تر دا مهاله د طالب وسله والو د سختو بریدونو سره مخ دي، او جګړې زور نیولی دی.
د روزګان ولایت د امنیت آمر رحیم الله خان وايي چې طالب وسله والو په دغه ولایت کې اکثره سیمې تر سختو بریدونو لاندې نیولي، خو وایي چې دوی طالب وسله والو ته مرګ ژوبله اړولې ده.
ځايي مشران وايي چې پولیس د یو څه مقاومت وروسته تېښتې ته اړ کیږي، او پوستې طالبانو ته پرېږدي.
طالبانو رسنیو ته په استول شوي پیغام کې ویلي دي چې ډېری سیمې د دوی تر ولکې لاندې دي، او د روزګان د ولسوالۍ په مرکز کې جګړه دوام لري، چې یو ماموریت او د بازار څه حصه یې نیولې ده.
