د لبنان په بقاع سیمه کې د اسراییلو هوايي بریدونو کې ۱۰ کسان شهيدان او لسګونه نور ټپیان دي
کابل ټکی کام (شنبه، ۲ کب، ۱۴۰۴ل)
د لبنان د عامې روغتیا وزارت ويلي، چې د اسراییل هوايي بریدونو، چې د بقاع سیمې څو ښارګوټي یې په نښه کړي، ۱۰ کسان شهيدان او ۲۴ نور یې ټپیان کړي دي. دا بريدونه نن د شنبې په ورځ رامنځته شوي دي.
د وزارت د عامې روغتیا د بیړنیو عملیاتو مرکز په خبرپاڼه کې ویلي، د ټپیانو په ډله کې درې ماشومان هم شامل دي او روغتیايي ټیمونه لا هم د ټپیانو درملنه او د وضعیت څارنه کوي.
تر دې مخکې، د لبنان د امبولانس خدماتو سرچینو راپور ورکړی و چې د بعلبک په ختیځه سیمه کې هم هوايي بریدونه شوي، چې لږ تر لږه اته ملکي وګړي پکې شهيدان شوي او ۲۵ نور ټپیان شوي دي.
