کابل ټکی کام (سه شنبه، ۱۹ کب، ۱۴۰۴ل)
د ترکیې ولسمشر “رجب طیب اردوغان” ویلي، چې ځینې هېوادونه په لوی لاس هڅه کوي چې مسلمانان په خپلو منځونو کې سره وجنګوي.
اردوغان زیاته کړې چې یاد هېوادونه هڅه کوي د مسلمانانو ترمنځ پراخه او لویه جګړه رامنځته کړي، څو اسلامي هېوادونه کمزوري او له یو بل سره په شخړو کې ښکېل وساتي.
د هغه په وینا، ټول اسلامي هېوادونه باید د دغو دسیسو پر وړاندې هوښیار واوسي او اجازه ورنه کړي، چې د مسلمانانو ترمنځ بېلتون او جګړې رامنځته شي.
نوموړي خبرداری ورکړی، که اسلامي هېوادونه په دې برخه کې سره یو موټی نه شي او ګډ دریځ خپل نه کړي، نو دا به ورته ناوړه پایلې ولري.
هغه ټینګار وکړ، چې د مسلمانانو یووالی او همغږي کولای شي د هر ډول دسیسو مخه ونیسي.
