کابل ټکی کام (پنجشنبه، ۲۰ وری، ۱۴۰۵ل)
د یمن د انصارالله اسلامي غورځنګ مشر “سید بدرالدین عبدالملک حوثي” ویلي، چې هېواد یې به هېڅکله اجازه ورنه کړي چې صهیونیستي ترهګر رژیم د کوم عربي-اسلامي هېواد پر وړاندې خپل تېری او مداخله پراخه کړي او د منځني ختیځ د بدلولو په نوم خپل خطرناک پلانونه عملي کړي.
نوموړي ټینګار کړی، چې د سیمې ملتونه باید د داسې دسیسو پر وړاندې یو موټی شي او د بهرنیو فشارونو او تېریو پر وړاندې ګډ دریځ غوره کړي.
حوثي لبنان کې د روان وضعیت په اړه ویلي، چې صهیونیستي رژیم به ونه شي کولای د مقاومت لبنان وځپي، او زیاته کړې یې ده چې د الله په مرسته به د لبنان خلک د هر ډول فشار او برید پر وړاندې خپل مقاومت ته دوام ورکړي.
نوموړي دغه راز خبرداری ورکړی، چې یمني ځواکونه چمتو دي په غزه او لبنان کې د صهیونیستي ریژیم روانو وحشتونو ته غاښ ماتونکی ځواب ورکړي.
