کابل ټکی کام (يکشنبه، ۲۳ وری، ۱۴۰۵ل)
د ټرانسپورټ او هوايي چلند وزارت ويلي چې د شاوخوا ۸۰۰ ميليونه افغانيو په لګښت د کندهار د احمدشاه بابا نړیوال هوايي ډګر کې د نوي عصري ترمینل او موټرو تمځای د جوړولو چارې پیل شوې دي.
مسؤولين وایي، دغه پروژه به په دوو پړاوونو کې پلي شي او ټاکل شوې ده چې چارې یې په دوه نیمو کلونو کې بشپړې شي او زياتوي چې نوی ترمینل به د نږدې ۳ زره مسافرو د ځایېدو ظرفیت ولري او ټولې اړینې اسانتیاوې به پکې برابرې شي.
د وزارت په خبره، د دې پروژې اساسي هدف د هوايي خدمتونو ښه کول، د مسافرو د منلو ظرفیت لوړول او د هېواد په سوېل کې د ترانسپورتي بنسټونو پراختیا ده.
