کابل ټکی کام (چهارشنبه، ۲ غویی، ۱۴۰۵ل)
د راپورونو له مخې، د پنټاګون ارزونې ښيي چې ایران لا هم د پام وړ پوځي وړتیاوې لري او په زرګونو بالستیک توغندي او بېپيلوټه الوتکې په واک کې لري.
بلخوا CNN راپور ورکړی، چې د وروستۍ جګړې پر مهال امریکا د خپلو دقیقو توغندیو شاوخوا ۴۵ سلنه کارولي او همداراز یې د THAAD او Patriot missile system سیسټمونو نږدې نیمایي زېرمي هم مصرف کړې دي.
راپور زیاتوي، چې د دغو پرمختللو دفاعي سیستمونو او مهماتو پراخ استعمال د امریکا په پوځ کې د مهماتو د کمښت په اړه اندېښنې زیاتې کړې دي، په ځانګړي ډول که احتمالي اوږدمهاله شخړې دوام ومومي.
تر اوسه د امریکا دفاع وزارت په رسمي ډول د دې راپورونو په اړه تفصیلي غبرګون نه دی ښودلی، خو شنونکي وایي چې دا وضعیت ښایي د واشنګټن پر راتلونکو پوځي پرېکړو اغېز وکړي.
