کابل ټکی کام (دوشنبه، ۱۴ غویی، ۱۴۰۵ل)
د برېتانیا د سمندري سوداګرۍ د عملیاتو ادارې ویلي، یوه تېلو وړونکې بېړۍ د اماراتو د الفجیره ښار ته نږدې د نامعلومو توغندیزو بریدونو هدف ګرځېدلې ده.
د راپور له مخې، پېښه د دوشنبې په ورځ هغه مهال رامنځته شوې چې بېړۍ د سیمې له اوبو تېرېدله.
یادې ادارې زیاته کړې چې بېړۍ شاوخوا ۷۸ سمندري میله د الفجیره ښار شمال لوري ته موقعیت درلود، چې توغندي پرې ولګېدل.
تر اوسه د برید د عاملینو او د اوښتو زیانونو په اړه جزییات نه دي خپاره شوي.
چارواکو ویلي چې د پېښې په اړه څېړنې روانې دي او د سیمې سمندري تګ راتګ ته د احتیاط سپارښتنه شوې ده.
