محسن رضايي امریکا ته: د خپلو ځواکونو د له منځه تلو لپاره چمتو اوسئ

کابل ټکی کام (دوشنبه، ۱۴ غویی، ۱۴۰۵ل)
د ایران لوړپوړي پوځي چارواکي، محسن رضايي، امریکا ته په تندو څرګندونو کې خبرداری ورکړی او ویلي یې دي چې که تاوتریخوالی دوام وکړي، نو امریکايي ځواکونه به له سختو پایلو سره مخ شي.
نوموړي ویلي: «لکه څنګه چې ستاسو د الوتکو پاتې شوني په اصفهان کې پاتې شول، همداسې د خپلو الوتکو او ځواکونو لپاره د هدیرې له حالت سره مخ کېدو ته چمتو اوسئ.»
رضايي ټینګار کړی چې ایران به د هر ډول ګواښ او برید پر وړاندې سخت او پیاوړی غبرګون وښيي او د هېواد د امنیت او حاکمیت ساتنه به وکړي.
د هغه په وینا، د سیمې وروستي حالات حساس پړاو ته داخل شوي او هر ډول ناسنجول شوی اقدام کولای شي د پراخو شخړو لامل شي.