هلمند کې افغان ځواکونو لومړۍ بې پیلوټه الوتکه پورته کړه

کابل ټکی کام ۳۱حمل/۱۳۹۵، احمدالله مهاجر
په هلمند ولایت کې افغان ځواکونو د څارنې د لومړنیو بې پیلوټه الوتکو الوتنې پيل کړې.
دغه الوتنې چې له یوې پوځي اډې څخه پیل شوي دي، د الوتکو نوم یې «سکین ایګل» دی.
دغه الوتکې چې د څار او کشفي معلوماتو د راټولو لپاره په نویو او پرمختللو وسایلو سنبالې دي، له هوايي ډګر پرته اوتنې کولی شي.
د دغو الوتکو په اوصافو کې راغلي دي، چې د څلور زرو شپږ سوه مترو په لوړوالي الوتنې کوي.
د دغې الوتکې په اړه امریکایي پوځي سلاکار جګړن جاسون وایټ وايي، دغه الوتکې چې په هلمند کې د افغان ځواکونو لپاره ځای پر ځای شوي دي، د دوی استخباراتي او کشفي معلومات به پیاوړي کړي.
د یادولو ده، سکین ایګل بې پيلوټه الوتکې سل زره ډالره بیه لري، او تر څلور ویشتو ساعتونو پورې په هوا کې پاتې کېدلی شي.