کابل ټکی کام ۲۸غويي/۱۳۹۵، سمسور ګیلاني
یو شمېر نړیوالو خبري رسنیو د عراق د امنیتي سرچینو له قوله لیکلي دي، د العلم سیمې په حمرین غرونو کې د یوې کورنۍ غړي موندل شوي ، چې لاسونه یې له یو بل سره تړل شوي وو.
په دغه کورنۍ کې مور، پلار او درې ځامن شامل دي.
د عراقي سرچینو له قوله چې دغې کورنۍ د لوږې له کبله په حمرین غرونو کې خپل ژوند له لاسه ورکړی دی.
سرچینې وايي، دغې کورنۍ په پام کې درلوده، چې د کرکوک ولایت له حویجې سیمې څخه د صلاح الدین ولایت العلم سیمې ته وتښتي.
باید ووایو، حویجه سیمه د داعش ډلې تر ولکې لاندې ده.
دغه پېښه تېره ورځ (دوشنبه) رامنځته شوې ده، چې د هغې ورځې د هوا درجه ۴۲ سانټي ګرېډ ښودل شوې ده، او له حمرین غرونو څخه تېرېدل لږ تر لږه ۸ ساعته وخت نیسي.
