د عراق پلازمینه بغداد کې چاودنې، ۹ تنه وژلي، ۳۲ ټپيان کړي

کابل ټکی کام ۲۲چنګاښ/۱۳۹۵، سمسور ګیلاني
د عراق پلازمینه بغداد کې یو ځل بیا چاودنه شوې ده، چې لسګونو کسانو ته یې مرګ ژوبله اړولې.
د عراق پلازمینې بغداد امنیتي سرچینو خبر ورکړی دی، چې په رشادیه شمالي سیمه کې د چاودېدونکو توکو څخه د یوه ډک موټر په چاودېدلو سره، ۹ تنه وژل شوي دي، او ۳۲ نور ټپیان دي.
خبر وايي، چې د ځینو ټپيانو روغتیايي حالت د اندېښنې وړ دی.
تراوسه پورې د برید مسئولیت چا نه دی منلی، خو ډېر ګمان په داعش ډلې کیږي.
د یادولو ده، داعش ډلې څو ورځې وړاندې د بغداد په الکراده سیمه کې په اختریز ګرم بازار چې د خلکو ګڼه ګوڼه پکې جوړه وه، چاودنې وکړې، په سلګونو تنه یې مرګ ژوبله واړوله.