ننګرهار: د اختطاف او غلا په تور ۶۵ کسان نیول شوي دي
کابل ټکی کام ۲۲چنګاښ/۱۳۹۵، احمدالله مهاجر
د ننګرهار ولایت امنیتي مسئولین وايي، چې تېرې درې میاشتې د دغه ولایت په مختلفو سیمو کې ۶۵ کسان د اختطاف او غلا په تور نیول شوي دي.
د ننګرهار د والي ویاند عطاءالله خوږیاڼی وايي، چې په تېرو درو میاشتو کې د دغه ولایت په مختلفو سیمو کې ۲۴ کسان د اختطاف په تور نیول شوي دي، او ۹ تنه نور د اختطافګرو له بند څخه ازاد شوي دي.
ښاغلي خوږیاڼي همدا راز وویل، چې د دغه ولایت په مختلفو سیمو کې د غلا په تور ۴۱ کسان نیول شوي دي، چې دا مهال ټول د ننګرهار ولایت د استیناف څارنوالۍ ته ور پېژندل شوي دي.
