کابل ټکی کام ۱۳۹۵ چنګاښ ۲۸ عبدالهادي همت
د طالبانو ویاند ذبیح الله مجاهد د یوې خبرپاڼي له لاري چې کابل ټکی کام ته يي هم رالیږلي ده ادعاکړي چې تیره شپه د هلمند ولایت په سنګین ولسوالي باندې له څلورو لوریو درانه بریدونه ترسره شول.
چي په نتیجه کې د ولسوالۍ مرکز، امنیه قومندانۍ ، ورسره ګڼي پوستې او د بازار ډیره برخه ونیول شوه.
په جګړه کې ګڼ شمیر عسکر اوپولیس ووژل شول د مړو جسدونه اوس هم په سیمه کې پراته دي
زیاته اندازه نظامي توکي هم ونیول شول
طالبان زیاتوي چې په سنګين ولسوالۍ کې اوس یوه د اردوقرارګاه چې په پې آر ټي باندې مشهوره ده پاته ده هلته هم د محاصرې کړۍ په میشتو سرتیرو باندې تنګه شوې ده
دطالبانو دادعا په اړه په هلمند کې د ميوند قول اردو د مطبوعاتي دفتر مسوول ډګرمن محمد رسول ځاځي رسنیوته ويلي چې تېره شپه وسله والو طالبانو غوښتل د سنګين پر ولسوالۍ بريد وکړي.
خو د هغه په وينا، طالبان د امنيتي ځواکونو له کلک مقاومت سره مخ شول او په ترڅ کې د طالبانو ځيني وسلې او مهمات له منځه ولاړل.
ځاځي په دې نښته کې د مرګ ژوبلې په اړه څه ونه ويل.
