داعش جنګیالیو ننګرهار کې له یوه ځوان افغان سر پرې کړی
(کابل ټکی کام :سه شنبه،تله۱۴ ،۹۴ ۱۳ل)
ننګرهار : دداعش سخت دريځې وسله والې ډلې په ننګرهار ولايت کې له يوه افغان ځوان څخه د جاسوسۍ په تور سر پرې کړی دی.
دغه وحشیانه عمل د داعش جنګیالیو ننګرهار ولایت د کوټ ولسوالۍ اړوند چينار کلي یوه افغان اوسېدونکي شاپور سره ترسره کړی ،چې د داعش وسله والو افغان امنيتي ادارو ته په جاسوسۍ تورن کړی وه .
د افغانستان ختیځ ولایت ننګرهار کې د داعش وسله وال له ډېرې مودې راهیسې فعال دي چې پکې ځينې نامعلوم او بې هویته خلک راټول شوي دي ، نه کومه اسلامي تګلاره او نه کوم منشور لري .
افغانستان کې ننګرهار یو له هغو ولایتونو څخه دي چې د داعش جنګیالي پکې شتون لري ، او ډېرې کورنۍ يي له سیمې نه کډه کولو ته اړ کړي دي .
ننګرهار ولایت کې د داعش ډلې له دې وړاندې هم لس تنه هغه ولسي خلک چې طالبانو سره د همکارۍ په تور نيولي وه په بمونو الوزولي وه، چې د ډېرو خلکو د کرکې لامل شول .
حماس افغان
