خان اباد ولسوال حيات الله اميري: د کندوز خان اباد ولسوالۍ طالبانو سقوط کړه
(کابل ټکی کام ۱۳۹۵زمری ۳۰) الماس خدرخېل
د کندوز ولات چارواکو منلې، چې خان اباد ولسوالۍ له امنيتي ځواکونو سره له جګړو وروسته طالبانو سقوط کړه.
د خان آباد ولسوال حیات الله امیري د طالبانو له لوري د دې ولسوالۍ نیول منلي او وایي ، چې وسلوالو طالبانونن سهار اته نیمې بجې د ولسوالۍ ودانۍ او امنیه قومنداني ونیولې.
ولسوال زياتوي، چې د دوی ځواکونه د مهماتو او مرستندويه ځواکونو له کمښت سره مخ او شاتګ ته اړ شوي.
بل پلو طالب ويندوی ذبيح الله مجاهد رسنيو ته ويلي، چې د خان اباد په جګړه کې يې يو شمېر سرتيري وژلي او په زياته اندازه وسلې او مهمات يې تر لاسه کړي.
د يادونې وړ ده، چې تېره شپه درې بجې طالبانو د ننګرهار حصارک ولسوالۍ هم په بشپړه توګه ونيوله.
