روسيه: د اور لږیدلو له امله ۱۶ تنه وژل شوي
(کابل ټکی کام ۱۳۹۵وږی ۶) الماس خدرخېل
په روسيه کې ۱۶ کسان هغه وخت وسوزېدل، چې د چاپ کولو په کارخانه کې يو ګودام اور واخيست. ويل کېږي اور د مسکو شمال شرق طرف ته په يوه چاپخانه کې لږېدلی.
چارواکو ويلي، چې په پېښه کې څلور تنه ټپیان يې روغتون ته لېږدولي او ۱۲ تنه نور يې د اور د سوزېدلو نه ژغورل شوي دي.
د روسيې د بېړنيو مرستو وزارت ويلي، چې د اور مړ کولو په وخت کې يې له يوې کوټې نه د ۱۶ کسانو سوزېدلي جسدونه راويستلي دي.
پوليسو ويلي، احتمال لري چې د نوموړې کمپنۍ سوزېدلي کار کوونکي مهاجر وي.
د مسکو شاروال سوبيانين ويلي، چې څېړنه روانه ده، ترڅو د دې علت معلوم کړي، چې د څه له امله اور لږېدلی دی.
تر دې دمه د اور لږېدلو علت نه دی روښانه شوی.
