(کابل ټکی کام ۱۳۹۵ تله ۱۶) زرغون خوږیاڼی
د میتیو په نوم سمندري توپان د لاتیني امریکا په هيټي کې د تباهۍ او ورانیو سره سره تر ۳۰۰ ډیر کسان وژلي، توپان د امریکې فلورېډا ایالت ختیځ ساحل ته نزدې شوی دی.
راپورونه وايي، چې میتیو طوفان د ۲۳۵کلومیټر یو ساعت په رفتار سره د هیټي ښار ته داخل شوی و، د پنجشنبې په ورځ د هوا د حالاتو ادارې وویل چې امکان لري توپان نور هم زورور شي .
د امریکا جمهور رئیس بارک اوباما د فلوریدا، جورجیا او جنوبي کارولینا په ایالتونو کې بېړنی حالت اعلان کړی دی او د جورجیا ایالت والي د دغه ایالت نیم میلیون اوسېدونکو ته امر کړی چې د اتلانتیک د غاړې په اوږدو کې خپلې سیمې خوشې کړي.
امریکايي چارواکي وايي، په فلوریډا، جورجیا او جنوبي کارولینا ایالتونو کې یې له دو میلیونو ډېر کسان له سمندرغاړې سیمو څخه خوندي ځایونو هغه په خلکو غږ کړیدی چې وخت ډېر کم دی او څومره زر چې کیدی شي باید د خطر سیمه پریږدي. هغه وویل چې قریب دوه میلونه خلک به دې ځای نه ووځي او که نه نو د مرگ خطر ېې هم دی. ته لېږدولي دي.
چارواکو په خلکو غږ کړی دی، چې وخت ډېر کم دی او څومره زر چې کیدی شي باید د خطر سیمه پریږدي او که نه نو د مرگ خطر ېې هم دی.
دغه توپان د هایټي په جنوب کې ډېر ورانی کړی، یواځې په ساد ولایت کې یې لږ تر لږه ۳۰ زره کورونه ویجاړ کړي دي.
راپورونو کې ویل شوي، چې د جمعې په سهار د فلورېډا په ساحلي سیمه کې اوسېدونکو نزدې ۲۰لکه او ۴۰ زرو خلکو ته برېښنا قطع شوې ده اود فلورېډا چارواکو هغو خلکو ته چې کورونه یې نه دي پرېښودي او خوندي سیمو پله نه دي منتقل شوي (بیوقان) ویلي دي .
لاتینې امریکايي ملک هیټي کې طوفان ځپلو سیمو کې د جمعې په ورځ هم امدادي کارونه دوام لري او د چارواکو ترمخه تراوسه پورې د ۳۰۰ نه زیات کسان وژل شوي دي .
د چارواکو په وینا د بیلابیلو علاقو نه د طوفان له امله د اوړیدلي زیان خبرونه راروان دي او د وژنو په شمېره کې د زیاتوالي اندېښنه څرګنده شوې ده.
د داخله وزارت یو مرستیال پیلواینور رسنیو ته ویلي، ( هر لور ته تباهي شوې ده، د کورونو چهتونه نشته، ونې تباه شوي او دا وړومبی ځل دی چې داسې حالات مو ولیدل) .
راپورونه وايي د طوفان له امله په مړه شوو خلکو کې ښځې او ماشومان هم شامل دي. چارواکو ویلي په اغېزمنو سیمو کې د خوراک او اوبو سخت ضرورت دی .
ملګرو ملتونو ویلي: هیټې کې د طوفان نه نزدې شپږ میلونه خلک اغېزمند شوي او درې نیم لکه خلک په فوري ډول امداد ته اړتیا لري.