فاریاب: د ملي اردو عسکرو د واده په کور هاوان توغولی ۳۸ تنه مړه او ژوبل دي

کابل ټکی کام : لړم ۲۴ مه ( بصیراحمد پاڅون )
د فاریاب ولایت نه رارسیدلي خبرونه وایي چې د فاریاب ولایت جمعه بازار ولسوالۍ د کوسه قلعه په سیمه کې په یو کورکې د واده مراسم روان و چې د هاوان ګولۍ یې په منځ کې وچاودیدې ، ۱۳ تنه ښځې او ماشومان یې ووژل او ۲۵ تنه نور یې ټپیان کړل.
حکومت او طالبان دواړه یې یو په بل پړه اچوي طالبان وایي حکومتي عسکرو په لوی لاس د واده په مراسمو د هاوان مرمۍ وار کړي دي او حکومت وایي چې طالبانو دا مرمۍ توغولي ده.
خو د کوسه قلعه ډیری اوسیدونکي وایي چې د هاوان ګولۍ د حکومتي عسکرو له خوا فائر شوي ده .
د کلي یو بل اوسیدونکی وایي چې شاید حکومتي عسکرو د طالبانو پر خلاف دا ګولۍ کارولي وي خو دلته طالبان موجود نه و.
د همدې کلي مشر وایي چې حقیقت نه شو چې حکومت مو بیا نیسي او شکنجه کوي مو . دی وایي چې مونږ داسې یرغمل یو چې د خپل حق غږ نه شو پورته کولی کنه ټول پوهیږي چې غوا توره او شیدې یې سپینې دي.
د فاریاب په ولایت کې په لوی لاس پښتانه وژل کیږي او کورونه یې سوځول کیږي .