بلخ: د المان په کونسګرۍ سرتیري بریدونه پیل شوي جګړه دوام لري

کابل ټکی کام :لړم ۲۱ مه، ۱۳۹۵ل ( بصیراحمد پاڅون )

د مزار شریف نه رارسیدلي خبرونه وایي چې تیر ماسخوتن یوولس بجې په بلخ ولایت په مرکز مزارشریف کې د المان په کونسګرۍ لومړۍ د ِغټ ګاډي موټربم برید وشو او زوروره چارونه رامنځ ته شوه او ورپسې د سپکو وسلو ډزې پیل شوې.
د طالبانو ویاند ذبیح الله مجاهد رسنیو ته په یوه لیږلي خبرپاڼه کې ویلي چې برید د دوی سرتیرو کړی دی.
مجاهد وایي چې طالب سرتیري یو غټ لارۍ موټر چې له منفجره موادو ډک و د کونسلګرۍ په دروازه کې منفجر کړی او د کونسلګرۍ د ودانۍ زیاته برخه یې نړولي د کونسلګرۍ د کاروکوونکو په شمول یې زیات شمیري  امنیتي ساتونکي وژلي دي.
مجاهد زیاتوي چې د موټربم له برید وروسته زیات شمیر سرتیري د المان د کونسلګرۍ ته په بریالیتوب ننوتلي او هلته یې په میشتو کسانو ډزې پیل کړي خو دا یې نه دي ویلي چې سرتیري برید ګر څو تنه دي.
ذبیح الله مجاهد د دې سرتیري برید لامل داسې په ګوته کوي ( د کندز په ولایت کې د ټولو ترسره شویو جنایاتو تر شا په مزار کې د میشتو جرمني اشغالګرو عسکرو د پلان او طرحو لاس دی  چې له امریکايي وحشیانو او د کابل ادارې له مزدورانو سره د مرستې په دود ترسره کیږي.
د اونۍ په سر کې د کندز په مرکز کې د اشغالګرو هیوادونو په وروستیو بمباریو کې زموږ له ۵۰ ډير ملکي هیوادوال  شهیدان او ټپيان شول، او لسګونه کورنه ونړیدل)
د بلخ ولایت ویاند منیر فرهاد ویلي برید د المان په کونسلګرۍ شوی خو سیمه ټوله د پولیسو له خوا محاصره شوي ده .
د بلخ ولایت امنیه قوماندان سیدکمال سادات ویلي دي چې اوس پولیس هوایي ډزې کوي نور کومه خاص جګړه نه شته. فرهاد او سادات دواړو د تلفاتو په اړه تر اوسه نه دي ویلي مګر د بلخ ولایت د حوزوي روغتون رئیس ډاکتر نور محمد فیض وایي چې تر دې وخته ۳۰ تنه ټپیان او دوه تنه جسدونه روغتونه ته راوړل شوي دي.
د جګړې سیمې ته نږدې اوسیدونکي وایي چې حکومتي سرتیري ډیر ناوخت راورسیدل او اوس له طالب سرتیرو سره درنه جګړه روانه ده.