کابل ټکی کام ۲۴میزان/۱۳۹۴
قدرت الله حسین
د هندوستان د رسنيو له راپور سره سم د هند د ممبۍ ښار په کرلا سيمه کې په یوه هوټل کې د ګازو ډبه چاودلې ده، چې له امله يې د يوې مېرمنې په ګډون ۸ تنه وژل شوي دي او ګڼ شمېر نور کسان ټپيان دي.
د مرستندويه ډلو کارکوونکو د پېښې وژل شوي او ټپيان روغتون ته لېږدولي دي، چې ټپيانو ته طبي مرسته ورکول شوې ده.
پوليس وايي، سيمې ته رسېدلي دي او د چاودنې په اړه پلټنې کوي.
ياده دې وي، چې يوه مياشت وړاندې هم د هند په مدهيه پردېش ریاست کې د يوې ګاز ډبې د چاودنې له امله ۸۲ تنه وژل شوي و او ۱۵۰ نور ټپيان وو.
