کابل ټکی کام ۰۴عقرب/۱۳۹۴
احمدالله مهاجر
د زلزلې شدیدو ټکانو په هېواد او په سیمه کې ګڼ مالي او ځاني تلفات اړولي دي.
د دغې زلزلې د شدت کچه ۷.۷ اټکل شوې ده.
د تخار ولایت مرکز تالقان کې د زلزلې د ټکانو له کبله د بي بي هاجرې لېسې لس نجونو زده کوونکو خپل ژوند له لاسه ورکړی دی، او ګڼ شمېر نور یې ټپيانې دي.
له پلخمري او مزار شریف کې ځايي اوسېدونکو د زلزلې د سختو ټکانونو د حس کېدو او د تلفاتو د اړولو خبر ورکړی دی.
د خلکو پر وینا چې د زلزلې دغه ځواکمنو ټکونو په تېرو څو کلونو کې یې ساری نه لیدل کیږي.
د غزني ولایت د ځمکې د ټکانو له کبله هغه دروازه نړېدلې ده کومه چې په ۲۰۱۳کال کې جوړه شوې وه.
د کابل په باګرام ولسوالۍ کې ۱۸د استوګنې کورونه وېجاړ شوي دي.
همدا راز د پاکستان څخه خبرونه وايي چې تر اوسه پورې په بېلابېلو سیمو کې د ۷۳ تنو د وژل کېدو او د سلګونو تنو د ژوبل کېدو خبر ورکړل شوی دی.
خبر وايي چې یوازې په پېښور ښار کې شاخوا ۵۰۰ کسان ټپيان شوي دي.
په پشاور کې د یوه مکتب درې نجونې د زلزلې په مهال د بلډنگ څخه ټوپ واچولو، چې سختې زخمیانې شوې، او اوس په شېرپاو روغتون کې بستر دي.
