یو کال دمخه چې اشرف غني او ډاکټر عبدالله داولس سره دانتخاباتي کمپاین پرمهال کومې ژمنې کړې وې، او بیا د انتخابات نه وروسته ترڅه وخته پورې داقتدار پرسر دانتخاباتو په ناروڼتیا ناخوالې روانې وې، او بیا د کیري په مداخله باندې ګډوله حکومت رامنځ ته شو اوس اولس ددواړو څخه هغه ژمنې پوره کول غواړي کومې چې دوی کړې وې.
اولسي وکړي کومه لویه اوله وسه وتلی غوښتنه نه کوي؛ یوازې او یوازې هغه غوښتنه په لومړی قدم کې کوي چې دواړو صاحبانو به په هر ولایت کې د کمپاین پرمهال اولس ته دامن دټېنګښت سینې ډبولې.
اشرف غني خو دهر ولایت په کمپايني غونډه کې داقتصاد ، امن ، تعلیم او روغتیا ژمنې کولې چې دافغان اولس لپاره يې دژوند سا بلله .
ډاکټر عبدالله چې دهرات په لایت کې دکمپاین په غونډه کې دهرات اوسیدونکو سره کومې ژمنې وکړې ځنې يې دیوې ښې راتکونکې ته امیدواره شول او ځني يې په هېواد کې دداسې حالاتو چې اوس روان دي چې په هر ګوټ اوسېمه کې جګړې سختې شوې دې دزرهاوو په شمیر بهرنیانو په موجودیت کې طالب وسلوالو د ولایتونو دیو شمیر سیمو کنترول به خپل لاس کې اخلي ولسي وکړي دستونزود حل په اړه طالب منطقوي مشرانو ته ورځي قضايي مسئلې وروړي، او ډاکټرعبدالله په بشپړه توګه دهېواد دامن ژمنه کوي دحیرانتیا په ښودلوګوته په غاښ پاتی شول.
مونږ دامنو چې یو دولت په خپل هېواد کې دامن راوستلو صلاحیت او توان لري خو هغه دولت چې داولس په روا غوښتنو او رایو رامنځ ته شوی دولت وي نه داچې له بهره دې پراولس ور تپل شوي وي . تپل شوی حکومت نه یوازې داچې داولس شته مسئلې حلولی نشي بلکه دژوند تېرونې او حکومت ولۍ نورې ستونزې ورته پیداکوي.
اولسي وګړي دقومي مشرانو په وسیله ولایتي چارواکو سره دلیدنې پرمهال په میاشت کې یو یا دوه ځلې خپلې ستونزی تکراروي خووالیان او نور ځاي چارواکي داولسي ستونزو دحل توان او ځواب نلري همدا او داسې نورې ربړې، دجګړې دوام ، دبهر لخوا په ملي مسائلو کې لاسوهنې، داټول هغه محوري ستونزي دي چې ملي یووالي له حکومته داولس نارضیاتې ورځ په ورځ زیاتیږي.
اشرف غني او ډاکټر عبدالله دواړو فیسبوکي اکاونټونه جوړکړیدي چې دهمدې لارې نه اولس له دواړوډیرې غوښتنې لري او ځني يې دحکومتولۍ په چارو کې مشوری اوسپاریښتنې هم لري.
دمعلوماتو له مخې داشرف غني فیسبوک پاڼه ۷۰۰ زره کتونکي لري اود ډاکټر عبدالله دفیسبوک پاڼې کتونکي تر شپاړسو زرو رسیږي د دواړو دفیسبوک پاڼو معلومات څرګندوي چې به یوه اونۍ کې اشرف غني ته ۱۵۰۰ کسانو دفیسبوک له لارې سپکې سپورې وايي. خو دعبدالله کنځلمار بیا تراشرف غني کم دی ځني کسان بیا ورته پیغورونه هم ورکوي . یوافغان ورته په فیسبوک بیا بیا لیکلي (ګل مرجانه کندز يې درنه ونیوه ).
نور ډیر کسان شته چې ګیلي اوغوښتنې لري ډیر کم کسان ورته دتعصب له مخې کومه دکمزورۍ لیکنه وکړي خواشرف غني ته سپکې سپورې پدې زیاتي کیږي چې دکمپاین پرمهال ډاکټرعبدالله داولس سره ۱۳ او اشرف غني که واک ته ورسیږي ۵۰ ژمني کړې وې خو بیاهم د دواړو دیو والي په نامه له ملي حکومته نارضایتي ورځ په ورځ زیاتیږي له دواړو څخه په سلو کې اته (۸) کسان چې هغه حکومت کې شامل کسان شمېرل شوي موجوده حکومت ته مشورې ورکوي نور ۹۲ سلنه افغانان له موجوده دولته ناراضه دي.
