دانسان سره د ژوند کولو په دوران کې ډول ډول ستونزې هم ملګرې وي. که هر انسان وغواړي ، خپل ژوند له ستونزو او کړاوونو ازاد تېر کړي، خو لکه څرنګه چې په انساني ژوند کې خوشالي شتون لري. دغه راز ورسره غم هم ملګري دی . که يو انسان هر څو ځان له ناروغيو ژغوري، خو ځيني وخت د خپلې نه پاملرنې له امله په سخته ناروغۍ اخته شي . روغتيا پوهان زياته هڅه کوي، چې ټولنه دسرطان له ناروغۍ وژغوري. د دې ناروغۍ د مخنيوي لپاره روغتيا پوهان څو اسانې لارې موندلي دي. دسرطان په رامنځ ته کولو کې د سګرټو استعمال زیاته مرسته کوي؛ يوازې په استراليا کې تېر کال ۱۵۵۵۸کسان دسګرټو په څښلو په سرطان اخته شوي دي . د دې په نيمايي کسان تېرکال زيات د لمر د وړانګو له امله په سرطان اخته شوي دي. روغتيا پوهان وايي هغه څوک چې زيات قوي خوراک او سره کړې غوښه خوري ، دسرطان مرض پکې په اسانه سره ليدل کېږي. يو عادي ژوند د تېرولو لپاره بايد د زياتو قوي اوغوښنو خوراکونو پرځای بايد سبزي وخوړل شي.
لويه دسرطان په مرض د اخته کيدو علامه دانسان چاغښت ښودل شوی دی ،چې انسان له حده زيات چاغ وي په هغه کې سرطان په اسانه سره وده کولای شی.
روغتيا پوهان دسرطان څخه دځان ژوغورنې ديادو لارو ترڅنګ ورزش ته زياته پاملرنه کړې ده. يو انسان بايد په ورځ کې د يو يا دونيم کيلو متره په اندازه وګرځي او يا په همدې انډول ورزش وکړي.
