کابل ټکی کام ۰۱لېندۍ/۱۳۹۴
احمدالله مهاجر
د طالبانو ویاند ښاغلی ذبیح الله مجاهد زمونږ همکار ته د ایمیل له لارې خبر ورکوي چې د روزګان ولایت د چهارچینو ولسوالۍ په مربوطاتو کې نن سهار مهال ۱۴تنه اربکیان د دوی جنګیالیو ته تسلیم شوي دي.
مجاهد وايي چې یادو ۱۴تنو له ځانه سره یو موټر سایکل او ۴کلاشنکوفونه هم د دوی تر جنګیالیو پورې رسولي دي، او ورسره یې ټینګه وعده کړې ده، چې بیا به هیڅکله هم د دوی سره و نه جنګیږي.
مجاهد د یادو ۱۴تنو نومونه په لاندې ډول ذکر کوي:
«سعدالله ولد شاولي، حیات الله ولد رحیم الله، تورجان ولد عبدالرشید اکا، حکیم ولد شاه ولي، عزیزالله ولد معلم، میرزا ولد معلم، زلمی ولد قلندر، شیراغا ولد بادار، سید ولي ولد عبدالغفار، اکبر ولد شاه ولي، عبدالقدیر ولد عبدالغفور، کریم ولد شیراغا، معلم ولد خان محمد او داوود ولد خان محمد.»
