سرلیکنه
امريکا د ملګرو ملتونو د عمومي منشي په وسيله غواړي په سوريه کې اوربند وکړي او هلته د سوريې په شرقي سيمه غوطه او عفرين کې خپل ځای پرځای کړي عسکر خوندي وساتي؛ څو په شمال غوطه کې د امريکايي پوځونو ځاى د اسد پوځونه ونه نيسي.
د بلې خوا دکاتلوليکانو مشر پاپ فرانسيس د نوي اختر په نمانځونغونډه کې کاتوليکانو ته په وينا کې له ملګرو ملتونو غوښتي چې په سوريه کې ژر تر ژره اوربند ته لاره هواره کړي او د دوامداره جګړې د مرګژوبلې مخه ونيسي .
د کاتوليکانو مشر فرانسيس پاپ ويلي د شپږو کلونو راهيسې په سوريه کې جګړه روانه ده او تر پنځو لکو زيات سوريايي وګړي نورو هېوادونو ته په کډه کولو مجیور شول؛ خو د ملګرو ملتونو لهخوا په سوريه کې د اوربند لپاره هيڅ ډول اقدامات ونه شول چې نور بايد دا انساني ناورين پای ته ورسېږي .
امريکا دوه اوونۍ د مخه د المان د صدراعظمې انګيلا مېرکل په شمول د يو شمير هېوادونو مشران مسکو ته په جرګه وليږل څو پوتين دې ته قانع کړي چې په سوريه کې اوربند وکړي خو د امريکا لهخوا مسکو ته ليږل شوی پلاوی هم ناکامه راستون شو، بالاخره د سورېې په غوطه کې د ترکېې په ملاتړ د اسد بوځونه په دې وتوانيدل چې د حکومت مخالفين له عفرين څخه وتلو ته اړکړي.
دلته د حيرانتيا خبره داده چې امريکا لومړى مسکو ته جرګه وليږله او بيا ېې د پاپ په خوله د سورېې د اوربند غوښتنه له ملګرو ملتونو څخه وکړه او هم پر ايران، ترکيه او مسکو تورونه لګوي چې په سوريه کې د اسد د پوځونو ملاتړ ته دوام ورکوي، ددې ترشاه حتما څه شته چې په سوريه کې اوربند غواړي او په افغانستان کې ېې اوربل کړی دى.
په افغانستان کې ١٧کال وشول چې د امريکايي يرغل او بمباريو له امله افغانان له خپلو کورونو نورو هېوادونو او هم په داخل د هيواد کې نورو سيموته په کډو کولو مجبور شوي دي ، يوه ورځ هم امريکايي چارواکو ونه ويل چې نور دې په افغانستان کې روانې جګړې ته دپای ټکی کېښودل شي او هم دې له افغانستانه په کډه شوي افغانان خپلول کورونو ته راستانه شي .
امريکا په سوريه کې د اوربند غوښتنه کوي اما افغانستان ته د جګړې د دوام لپاره نور پوځونه راليږي، د ا خپله په افغانستان کې دامريکا لخوا دسولې پرخلاف قدم دی چې پورته کوي ېې خو نړيوالو ته څرګندوي چې امريکا په افغانستا کې سوله غواړي .
امريکا غواړي له افغانستانه فلسطين جوړکړي چې ترکلونو پورې پکې جګړه دوام ولري او بالاخره اسلامي هېوادونه د اسرائيلو او امريکايي پوځونو مرکزونه وګرځي خو هغه ورځ هم راتلونکې ده چې نه يوازې امريکا بلکې ورسره دبيت القدس دعوه کوونکي اسرائيل به له فلسطينه او امريکايي پوځونه به له افغانستانه تيښته ته اړکيږي .
امريکا به هغه وخت په افغانستان کې دسوریې په څير اوربند وغواړي چې د يمن لپاره جوړاېتلاف ېې ناکام، بيت القدس ته دخپل سفارت د انتقال مخالفت، دشمالي کوريا سره ېې خبرې نکامه او له غزې داسرئيلو لاسونه لنډ کړل شي بيا به امريکا پوهه شي چې نور ېې نړۍ او په ځانګړې توګه د اسلامي هېوادونو لپاره جوکړى پلان سره ته نه رسيږي .
همدا اوس د ترکیې او اسرائيلو د سرمشرانو تر منځ لفظې شخړه روانه ده چې کيداى شي داسرائيل پرخلاف مخالفتونه زيات شي ځکه اسرائيل او امريکا هغه څه غواړي چې د ټولې نړۍ او په ځانګړې توګه داسلامي هېوادونو لپاره په تاوان تماميږي ، امريکا چې په سوريه کې اوربند غواړي او په افغانستان کې ېې اوربل کړيدى ددې تاوان به نه يوازې افغانستان،ګاونډيو او دسيمې هېوادونوته ورسيږي بلکې امريکا او وسره لاس يوکړى اسرائيل به هم په افغانستان کې د بل کړي اور تاوانونه ګالي.
