سعودي عربستان : روغتون کې د اور لګېدنې له امله ۱۲۵ تنو ته مرګ ژوبله اوښتې
سعودي عربستان (کابل ټکی کام پنجشنبه، مرغومي ۳مه، ۱۳۹۴ل) :
تېره شپه شاو خوا دوه نيمې بجې د سعودي عربستان په یوه روغتون کې اور لګېدلی چې له امله يې ۲۵ تنه مړه او ۱۰۰ تنه نور ټپیان شوي دي .
دغه روغتون د سعودي عربستان په جیزان سیمه کې موقعیت لري چې تېره شپه په کې اور لګېدلی .
د سعودي امنیتي چارواکو ویلي دي، چې لومړی اور د روغتون په لومړي پوړ کې لګېدلی او بیا د روغتون نورو برخو ته يې سرایت کړی دی .
چارواکو په وینا دغه اور په پیل کې ټيز وه خو د اور وژنې اداره پدې وتوانېدله چې مخه يې ونیسي او اور ووژني .
په ۱۲۵ تنو مړو او ژوبلو کې ډاکټران، ښځې او ماشومان هم شامل دي .
تردې د اور لګېدنې لامل نه ده څرګند شوی خو پلټنې روانې دي ترڅو معلومه کړې چې د او د لګېدو اصلي سبب څه وه .
سليم بریال
