مولوي فضل ربي (کوه صافي وال)
د انسانیت بخت هغه ورځ ویښ شو چې رسول الله حضرت محمد صلی الله علیه وسلم دنیا ته تشریف راوړو او الله تعالی په دنیا باندې دا احسان وکولو چې دا لویه هستي یې ورته را ولېږله .
د ډېرو کسانو د هدایت سبب شو .
ډېر کسان یې له اور نه په راتلو باندې خلاص شول .
پداسې حالت کې چې په دنیا کې د جهالت تیاره را خپره شوې وه رسول الله صلی الله علیه وسلم دنیا ته راغلو هغه تیاره یې په راتلو سره له دنیا پورته شوه .
د هدایت لمر را وخوت .
هرچا ته سمه لاره ښکاره شوه چې دا حالت د شیطان لپاره د زغم وړ نه وو نو له هغه ورځې یې په هر ډول او هر ممکن کوښښ د رسول الله صلی الله علیه وسلم مقابله شروع کړه ، ټول انسي او جني شیطانان په کار شول چې ددې مبارک دین او د رسول الله صلی الله علیه وسلم مقابله وکوي هغه سلسله تر اوسه پورې روانه ده لکن د الله تعالی فضل او کرم دی چې دوی څه کولی نشي.
نه خو کوم اسلامي حکم بدلولی شي او نه د الله تعالی کتاب د زمکې له مخ نه ورکولی شي او نه داسې کولی شي چې ټول خلک لدې مبارک دین څخه په زور یا زر سره واړوي د الله تعالی د کتاب د نازلولو نه وروسته ددوی له مردارو منګولو او فریبونو څخه د ساتلو وعده الله تعالی پخپله کړې چې فرمایلي یې دي : إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ (9) . سورة الحجر
ترجمه : بېشکه مونږ پخپله نازل کړی دی ذکر (پند قرآن) او بېشکه چې مونږ د ده خامخا ساتونکي یو (له تزئید، تنقیص او نورې لاس وهنې او دښمنانو له فریبونو نه) .
پداسې حال کې چې د یهودو او نصاراوو هغه کتابونه چې دوی ورته د مقدسو کتابونو په نظر ګوري او نومونه ورباندې د اسماني کتابونو پاتې دي او ډېر داسې شیان دي چې په هغو اسماني کتابونو کې وو او د دوی په اوسنیو کتابونو کې نشته دوی ورڅخه لرې کړي دی او ډېر داسې شیان دي چې د دوی په اسماني کتابونو کې نازل نه وو لکن دوی پکې ور ځای کړی دی او د اسماني کتاب نوم ورباندې ایږدي هماغه کتابونو ته یې مسلمانان د احترام په نظر ګوري.
نه چا وښوده چې مسلمانانو انجیل ، تورات یا بایبل ته اور اچولی.
نه چا ثابته کړه چې کوم مسلمان د هغه په ګندګیو کې غورځولی وي .
همدارنګه مسلمانان د ټولو پیغمبرانو قدر کوي ، په درنده سترګه ورته ګوري ځکه دا د اسلام هدایت دی او اسلام د انسانیت دین دی .
او اسلام یو دین دی چې خپلو پیروانو ته یې ادب ور ښودلی دی ، انسانیت یې ور په برخه کړی دی.
او د دوی له لوري په ګوانتامو کې ، په ابو غریب بندیخانه کي ، په باګرام کې او په مختلفو نورو ځایونو کې چې تر حساب زیات دی په څو ځله د قران کریم توهین وشو ، وسوزول شو ، په ګندګیو کې وغورځول شو ، تر پښو لاندې شو عکسونه یې خپاره شول ، په مرمیو ویشتل کیږي ویډیو یې خپره شوه ، مقدس کلمات په حیواناتو ولیکل شول او عکسونه خپاره شول ، په پایزارونو او نورو شیانو باندې اسلامی مقدس کلمات ولیکل شول او داسې نور … ددې ټولو په ځواب کې بس (انا لله و انا الیه راجعون) دا ټول ددې لپاره چې دوی انسانیت نلري بلکه ځناور دا د اسلام حقانیت ، دا د دوی د هر فریب په بدل کې د اسلام ټینګوالی او هېڅ تاثر نه قبلول له دوی څخه نه برداشت کیږي .
د همدې مردارې لړۍ کړۍ دي چې وخت په وخت خپریږي چې کله د رسول الله صلی الله علیه وسلم توهین په فلم سره کوي ، کله یې په کریکاتور سره کوي ، او دا ځل یې اراده کړې ده چې په کارتون سره یې وکوي ، دا هغه وخت دی چې الله تعالی ما او تا او زما او تا نه چې کوم مشران دي او هغه چې کشران دی ، هغه کسان چې د قلم خاوندان دي ، هغه کسان چې د ټوپک مالکان دی ، هغه کسان چې خبرې کولی شي او هغه کسان چې لیکل کولی شي ټول پدې امتحان کوي چې اوس څومره قرباني ورکولی شو؟ د رسول الله صلی الله علیه وسلم د عزت نه په څه ډول دفاع کولی شو؟
کله به چې رسول الله صلی الله علیه وسلم ژوندی وو او څه خبره به راغله چې د رسول الله صلی الله علیه وسلم ژوند او عزت ته به پکې خطر وو نو صحابه کرام به زر را ټول شول او د رسول الله صلی الله علیه وسلم سره به یې بیعت وکولو چې مونږ درسره په سر او مال تر مرګه مرګه ولاړ یو لکه په تاریخ کې بیعت سقیفه او بیعت عقبة هلته صحابه کرامو له رسول الله صلی الله علیه وسلم سره په ښه حالت او بد حالت دواړو کې ټینګ بیعت وکولو چې دده ملاتړي به وي نن که مونږ داسې حالت وینو چې یو څو پوچ مغزه ، بې منطقه ، احمقه ، رذیله کفارو د رسول الله صلی الله علیه وسلم د توهین لپاره ملاتړلې ده راځه چې زه او ته هم خپل سره ګرېوان ته ښکته کړو او خپل بیعت له رسول الله صلی الله علیه وسلم سره تازه کړو چې که خلک څومره دده د توهین کوښښ کوي زه او ته به همدومره د هغه په سنتو باندې ټینګیږو ، که مو قلم په لاس کې وي د رسول الله صلی الله علیه وسلم د پاره به خپل قلم وچلوو لږ تر لږه د رسول الله صلی الله علیه وسلم یو سنت به ولیکو او نشر به یې کړو ، د هغه مبارک له سیرت نه به د هغه مبارک د نیکو اخلاقو نمونې نشر کړو او خلکو ته به ښکاره کړو چې هغه هستې د توهین قابله نه بلکه د عزت او وقار قابله هستي وه ، که مونږ شاعران وو نو د شعر په هنر به یې ستاینه وکوو ، هغه کسان چې مشران دي هغوی د خپله مشري استعمال کړي او ددې انسانیت دښمنانو ته د په خپله ژبه اعتراض وکوي داسې پدې توګه چې په دنیا کې څومره مسلمانان دي که ټول ددې شینع عمل په مقابل کې خپل نفرت ښکاره کړي نو که بیا دوی هرڅو د توهین کوښښ وکوي دوی ته به هېڅ فایده ونه کوي .
الله تعالی فرمایی : إِنَّ الَّذِينَ كَفَرُوا يُنْفِقُونَ أَمْوَالَهُمْ لِيَصُدُّوا عَنْ سَبِيلِ اللَّهِ فَسَيُنْفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ وَالَّذِينَ كَفَرُوا إِلَى جَهَنَّمَ يُحْشَرُونَ (36). سورة الانفال
ترجمه : بېشکه هغه کسان چې کافران شوي دي لګوی دوی مالونه خپل د پاره ددې چې منع کړي دوی (خلق) له لارې د الله تعالی څخه نو زر ده چې نور به هم ولګوي دغه مالونه بیا به شي (دغه د مالونو لګول) پر دوی یو حسرت (چې مال یې ځي او مطلب یې نه حاصلیږي) بیا به په آخرت کې مغلوب شي او هغه کسان چې کافران شوي دي (او په کفر کې مړه شي) دوزخ ته به بېول کیږي .
نو هر ډول ذلت او رسوایی بالآخره د کفارو په برخه ده مسلمانان باید د هغوی په ضد ، د شیطان په ضد نور هم ډېر کوښښ وکوي چې خپل ژوند د رسول الله صلی الله علیه وسلم په لاره باندې برابر کړي ، د هغه طریقې را ټینګې کړي او څومره یې چې په وس کې وي د کفارو له کړو وړو څخه نفرت ښکاره کړي .
که اوس هغه وخت نه دی چې زه او ته لاړ شو او د همدې کسانو سره په توره مخامخ شو ، که اوس لما او تا سره د اعلام او نشر هغه وسايل نشته کوم چې له هغوی سره دي ، که زه او ته هغه ډول اسباب نلرو چې هغوی یې لري نو دا باید ددې باعث نشي چې مونږ د رسول الله صلی الله علیه وسلم د توهین په مقابل کې داسې پاتې شو لکه دا موضوع چې هېڅ تر مونږ پورې تړاو نلري بلکه مونږ باید ددې خبرې درد زړه ته واچوو او داسې یې وانګیرو لکه دا چې بعینه زمونږ په عزت تعرض وي او تر دومره حده پورې یې تر خپلې وسې په غندنه کې کوښښ وکوو لکه څوک چې د خپل عزت نه څنګه په جذباتو سره دفاع کوي او بالآخره مې د ټولو کفارو په حق کې د حضرت نوح علیه السلام دعاء خوښه ده چې فرمایل یې :
اې ربه زما مه پرېږده ! پر زمکه باندې له کافرانو څخه هېڅ اوسېدونکی (یا ګرځېدونکی او ټول هلاک کړه) بېشکه ته که چېرې پرېږدې دوی نو ګمراهان به کړي دوی (مؤمنان) بندګان ستا او نه زېږوي دوی مګر خو فاجر نا شکره بد کاره له حقه منکره . آمین
