(کابل ټکی کام ۱۳۹۷ لړم ۱۰)
امریکایي رسنۍ د دفاع وزارت “پنټاګون“ له قوله وایي چې امریکایي ځواکونو په تیره سپټمبر میاشت کې پر افغانانو ۸۴۱ بمونه غورځولي دي.
د رسنیو له قوله امریکایي الوتکو په اوسط ډول هره ورځ شاوخوا ۲۸ بمونه اورولي چې دا شمیر د اګسټ له میاشتې یوڅه زیات ښوودل شوی.
خبر زیاتوي،په اګست میاشت پر افغان ولسونو شاوخوا ۷۱۵ بمونه امریکایي الوتکو اورولي وو.
د دې بریدونو په پایله کې زرګونه افغان ولسي خلک چې زیاتره برخه یې ښځې او ماشومان تشکیلوي ،وژل شوي او لسګونه زره نور ټپیان دي.
د اشرف غني په مشرۍ د ملي یووالي حکومت تر اوسه د دې پراخو بریدونو پر وړاندې د هیڅ کوم اعتراض جرئت نه دی کړی او د بشري حقوقو،بښنې نړیوال سازمان، او نورو بشري ټولنو او اسلامي هیوادونو یې هم په تړاو خپله مرموزه چوپتیا لا نه ده ماته کړې.
