سبا د لاجوردو له لارې رسماً افغان توکي ترکیې ته لیږدول کیږي
(کابل ټکی کام ۱۳۹۷ لیندۍ ۲۱)
د لارجوردو پروژه چې پیل یې د پخواني ولسمشر حامدکرزي پرمهال شوی و،سبا یې پر مسیر له افغانستان څخه سوداګریز توکي بهر ته لیږدول کیږي.
د سوداګرۍ او صنایعو وزارت وایي، دا پروژه سبا د پنجشنبې پر ورځ په ازمایښتي ډول افتتاح کوي، چې په مرسته به یې سوداګریز توکي لومړی ترکیې او بیا اروپایي هیوادونو ته ولیږدول شي.
د یاد وزارت ویاند مسافر قوقندي وایي، په استول کیدونکو توکو، کې د پنبې تار، کنجد، ممیز او نور مواد شامل دي چې د لومړي ځل لپاره به د ریل پټلۍ له لارې لومړی ترکیې او بیا به اروپایي هیوادونو ته و لېږدول شي.
قوقندي زیاتوي، تر دې وروسته به په دوامداره توګه دغه توکي د ریل پټلۍ له لارې یادو هیوادونو ته استول کیږي.
