کابل ټکی کام(دوشنبه،۵وری،۱۳۹۸ ل)
د هېوادپه یو شمېر ولایاتو (هلمند، فاریاب او بادغیس) کې د ولایتي شوراګانو پر خبره د دووه اوونیو څخه د کم وخت په ترڅ کې ١٥٠ امنیتي ځواکونه وژل شوي دي.
د هلمند ولایت شورا ویلي په دغه ولایت کې د تېرو څلورو ورځو په موده کې ٤٩ امنیتي ځواکونه وژل شوي او ٦٣ ټپیان شوي دي.
هلمند د افغانستان یو له هغو ولایتونو دی چې وخت نا وخت په کې جګړه زور اخلي، د دې ولایت د سیمه اییزو چارواکو پر وینا د نوي کال له پیلېدا سره په دغه ولایت کې نږدې ٥٠ سرتیري وژل شوي او له ٦٠ زیات یې د ګرشک، سنګین او نادعلې په ولسوالیو کې ټپیان شوي دي
له بل پلو د بادغیس د ولایتي شورا ځینو غړو په دغه ولایت کې د څوو اوونیو را په دې خوا په کمه موده کې د ٥٧ تنه امنیتي ځواکونو د وژل کېدو خبر ورکړی .
د نوي کال له پیل وړاندې هم د بادغیس په بالامرغاب ولسوالۍ کې سختې نښتې وشوې چې لا هم ادامه لري او په دغه ولسوالۍ کې هم زیات شمېر امنیتي ځواکونه له طالبانو سره په جګړه کې وژل شوي دي.
فاریاب هم یو له هغو ولایتونو دی چې د جګړې له اوره یې لمن نه ده ژغورل شوې، په دغه ولایت کې امنیتي وضعیت او په خاصه توګه د قیصار ولسوالۍ امنیتي وضعیت د اندېښنې وړ دی.
د افغان حکومت سره سره طالبانو لا هم د پسرلنۍ جګړې په اړه څه نه دي ویلي خو ورو ورو د هوا په ګرمېدو سره د هېواد په یو شمېر سیمو کې جګړه چندان نه ده سړه شوې.
داپه داسې حال کې ده چې څو ورځې وړاندې حکومت دطالبانوخلاف دخالد په نام عملیات اعلان کړل،طالبانو لاهم دعملیاتو اعلان ندی کړی خودطالبانولطرفه جګړه په غیراعلاني ډوَل تیزه شوې، کارپوهان دهوا په ګرمېدو سره دطالبانو لطرفه دخونړۍ جګړې خبرونه ورکوي.
