خامنه ای: امريکا سره خبرې زمونږ په تاوان دي
(کابل ټکی کام، ۱۳۹۸، غبرګولی ۹)
د امریکا د بهرنيو چارو وزارت ويلي و چې که ايران امريکا سره خبرې کول غواړي نو لومړی دې دولس شرطونه پوره کړي بیا به واشنګټن له تهران سره خبرو ته اماده شي خو د ایران مذهبي مشر حیات الله خامنه ای بيا په تازه څرګندونو کې ويلي چې د امريکا سره د مذاکراتو اراده نه لري او دا يې په تاوان دي.
دولس شرطونه چې امريګا پر ايران ايښي: د کيمياوي وسلو تياري بندول، نړيوالو کتونکو ته د کيمياوي وسلو د معاينې اجازت ورکول، د کيمياوي وسلو لېږدونکي ميزايلو تياري بندول، په تير کې د کيمياوي وسلو جوړولو هڅې ښکاره کول، وسله والو تنظيمونو حزب الله، حماس او نورو ډلو مرسته بندول، یمن کې د شيعه حوثي یاغيانو مرسته بندول، له شام څخه خپل پوځ بيرته ور غوښتل، افغانستان کې د طالبانو او نورو وسله والو ډلرو مرسته بندول، د القاعده مشرانو ملاتړ نه کول، ګاونډيو هيوادونو ته د خطر نه پيدا کولو تضمين، په ايران کې بنديان ټول امريکايان خوشې کول او د سایبري حملو بندول هغه دولس شرطونه دي چې امریکا پر ايران ايښي او بيا به ورسره خبرو ته کښېني.
خو د ايران مذهبي مشر ایت الله خامنه ای بيا له امريکا سره خبرې بې ګټې بللي وايي، هيڅکله به د اتمي وسلو پر سر له امريکا سره مذاکرات ونه کړي ځکه په وينا يې يې دغه مذاکرات مونږ ته هيڅ فايده نه لري بلکې تاوان رارسوي.
