سي ان ان: دامريکا له ګواښونو سره سره ترکيه له روسيې s-400 سيسټم پېري

کابل ټکی کام ( يکشنبه ، ۲۶ غبرګولی ، ۱۳۹۸ل

نږدې دوه ونۍ وړاندې امريکا ترکيې ته خبرداری ورکړ، که ترکيه له روسيې سره دs-400سيستم لغوه نکړي، نوله امريکا سره به د پرمختللو الوتکوقرداد وبايلي.

خوترکيه د امریکا له ګواښونو سره سره وایي چې له روسیې څخه به د S-400 دفاعي سیسټم انتقال راتلونکې میاشت پیل شي.

د سي ان ان ټلویزیون د راپور له مخې، د ترکیې ولسمشر رجب طیب اردوغان ویلي چې ترکیې ته به د S-400 ډوله دفاعي سیسټم لېږد راتلونکې میاشت کې پیل شي.

امریکا ځکه له دې سیسټمه وېره لري چې وایي د امریکا ساخت F-35 ډوله جنګي جیټ الوتکو ته ګواښ دی.

امريکا همېش دخپلو رقيبانو دځپلوپه تکل ده، ځکه نوکله روسيه اوکله ايران له سياسي، اقتصادي، اونظامي فشارونو لاندې راولي.