کابل ټکی کام (جمعه، مرغومی ۲۵مه، ۱۳۹۴ ل):
د خیبر پښتونخوا مرکز پېښور اړوند« ټاون» سیمه کې نامعلومو وسلوالو د افغان ډيپلومات پر کور ناپېژاندو وسلوالو برید کړی .
د سیمه یزو رسنیو د خبر په استناد چارواکې وايي، چې دوه تنه موټرسائکل سپرو د جمعې په شپه ناوخته د افغان کونسلګرۍ په يوه ډيپلوماټ “همايون يوسفزي” پر کور برید کړی، خو چاته په کې ځاني زیان نه ده اوښتی .
چارواکو دغه راز ويلي دي، چې برید ګر له سیمې نه په تېښته بریالي شوي خو په اړه يې تهاڼه کې رپورټ جمعه کړی دی .
خبرځای دغه راز وايي “همايون يوسفزي” په افغان قونسلګرۍ کې د افغان قونسلر د لومړي سکرتر په توګه دنده ترسره کوي.
دغه راز نوموړي رسینو ته په خبرو کې پر خپل ګور د برید پخلی کړی، او ویلي دي چې برید د شپې ۲ بجې او ۲۰ دقیقو باندې صورت وموند، خو مونږ ته کوم ځاني تلفات نه دي اوښتي او دده په وینا کور مو ډېرو ډزو له امله زیان من شوی دی .
دا بريد په داسې وخت کې ترسره کيږي، چې دوې ورځې وړاندې دلته په ننګرهار ولایت مرکز جلال اباد ښار کې د پاکستان پر کونسلګرۍ وسله وال بريد شوى و چې په نتيجه کې يې لسګونه امنیتي کسانو ته مرګ ژوبله اوښتې وه، او پاکستاني ډيپلوماتانو ته کوم زیان نه وه اوښتی .
