لوی څارنوال؛ دښځو پر وړاندې دآزار او اذیت پرضد دمبارزې نوی ریاست پرانیست
کابل ټکی کام (جمعه ، ۲۸ چنګاښ ، ۱۳۹۸ل)
ددولتي چارواکو له لوري دځینو امتیازاتو په بدل کې دښځو له آزار او اذیت وروسته لوی څارنوال ددې ناخوالو دمخنیوي او پر وړاندې یې دمبارزې نوی ریاست پرانیست.
د افغانستان لوی څارنوال فريد حميدي خبر ورکړی چې دوی په یو نوي اقدام کې دڅارنوالۍ تر رهبري لاندې د یو نوي رياست دجوړېدو کار تکمیل ته رسولی.
فريد حميدي وايي، دا رياست به په دولتي ادارو کې دځینو چارواکو له لوري د ښځو پر وړاندې د آزار او اذيت پر ضد مبارزه او تحقیقات وکړي.
حميدي زیاتوي، نوی رياست د ولسمشرۍ ماڼۍ په منظورۍ جوړ شوی چې ژر به رسمي فعاليت پيل، او په کاملې خپلواکۍ خپل مسئولیت اداکړي.
