کابل ټکی کام (یکشنبه ، ۲۰ زمری ، ۱۳۹۸ل)
د افغانستان دخلاصون لارې شورا دطالبانو وروستی اقدام ستایلی او زیاته کړې یې ده چې
حکومت دې هم د طالبانو په شان په اختر کې بنديان ازاد کړي.
د افغانستان د خلاصون لارې عالي شورا د طالبانو له خوا د اختر په مناسبت د بنديانو د خلاصون هرکلی کړی او پر حکومت يې هم غږ کړی چې د حسن نيت په موخه طالب بنديان ازاد کړي.
دې شورا چې مشري يې پخوانی طالب چارواکی اکبر اغا کوي په یوه خبر پاڼه کې ويلي: (( د بنديانو خلاصون د طالبانو د حسن نيت او د روغې جوړې اړوند نيک اقدام څرګندوى دی.
او موږ د افغانستان د خلاصون لارې عالي شورا له حکومت نه په جدي توګه غوښتنه کوو ترڅو د بنديانو په خوشي کولو کې د طالبانو په څير عمل وکړي، ترڅو د ملت په وړاندې يې ښه نيت ښکاره او دسولې لپاره زمينه. مساعده کړې وي. ))
د يادونې وړ ده چې طالبانو د اختر په مناسبت ۷۶ بنديان ازاد کړي دي، تردې وړاندې دکوچني اختر په مناسبت هم وسلوالو طالبانو دخپل امیر دفرمان په اساس لسګونه بندیان ازاد کړي وو.
