غورځنګ
په نړۍ کې ځينې پېښې د ځينو نورو لويو او وړو پېښو مورينې وګرځي، د ځينو پېښو شاليد دومره مرموز وي چې انسانان يې عادي او سر سري وبولي خو تر شا يې د مرګونو او وحشتونو لويه فلسفه پرته وي، خو ځينې پېښې چې انسانان يې لويه او فتنه اوره وبولي مګر هغه همداسې سرسري تېره شي او له ځان سره څه ونه لري.
د هغو پېښو له جملې څخه چې د نړۍ د برخليک ټاکونکې وه او د نړۍ د مظلومو ملتونو د خونخوار کولو، او يرغمل کولو پيلامه وه؛ د سپټمبر يوولسمه وه، دغه پېښه که څه هم هغه وخته خلکو ډېره عادي بلله خو د انسانانو قاتلينو د دې پېښې عاملين مسلمانان عرب او افغانان وبلل او پر همدې بهانه يې پر ټوله اسلامي نړۍ داسې راودانګل چې ته به وا چې اسلامي نړۍ د چرګانو هغه فارم دی، په کوم کې چې قصاب بې خاره او بې فکره ګرځي او د خپلې خوښې چرګان پکې حلالوي.
امريکا هم د سپټمبر يوولسمه پېښه د مسلمانانو د مرګونو د جواز ورځ وبلله او له ځان سره يې ځينې نور نړيوال داړه ماران چې لا پخوا يې د ناټو تر نامه لاندې خونخوار تړون سره کړی وو؛ کړل او پر افغانستان، عراق، شام او ځينو نورو اسلامي سيمو يې راودانګل، د ډېر افسوس ځای خو لا دا چې د يادو شويو مظلومو ملتونو په خلاف اسلامي ګاونډيو هېوادونو امریکا ته د خپلو ځانونو له وېرې او يا هم امریکا ته د خپل ځان د غوره غلام د ثابتولو له وجې اډې ورکړې او له همدې ملکونو څخه يې دغه مظلوم ملتونه خپل هدف وګرځول او پر دغو مظلومو هېوادونو يې هغه کېمياوي مواد استعمال کړل چې له ډېره وخته يې استعمال ته په انتظار وو، او د دغو کېمياوي موادو د استعمال اجازه يې په ملګرو ملتونو کې نه لرله. خو متل دی چې د زورور اوبه په پېچومي هم خېږي.
دغه پېښه چې په ۲۰۰۱ ميلادي کال د سپټمبر (روانې عيسوي) مياشتې پر يوولسمه نېټه د امریکا پر دوو سوداګريزو ودانيو او پنټاګون باندې د دوو الوتکو؟؟ په توسط تر سره شوې چې په نتيجه کې يې ډېری امریکايي وګړي ووژل شول.
د دغې پېښې په ترڅ کې امریکا د وحشي لېوه په څېر يو ځل بيا پر اسلامي نړۍ د څو پېړيو مخکې چنګېز مغولي تاریخ تکرار کړ او د مسلمانانو ښارونه يې له خاورو سره خاورې کړل.
دا چې امریکا خپل پوځ ته د وحشي ځناورو په څېر ټرننګ ورکړی و خو د عملي وژونو او کارونو لپاره يې ورته افغانستان او عراق د ټرننګ سنټر په توګه خوښ کړل، چې دا دی له دې خونړۍ جګړې او وحشت څخه اتلس کاله تېرېږي خو امریکا ته بې له دې چې خپل نړيوال اعتبار يې وبايله او په نړۍ کې له رسوايۍ سره مخامخ شوه؛ بل هېڅ هم په لاس ورنغلل.
