کابل ټکی کام (سه شنبه، ۲۱ لړم، ۱۳۹۸ل)
د سعودي د “اوکاز ورځپاڼې” د پلازمينې ریاض د پولیسو له قوله لیکلي چې د ملک عبدالله په پارک کې د تیاتر د نندارې په ګډونوالو د چړو برید شوی چې په پایله کې يې ۴ ټپيان شوي دي.
د يادونې وړ ده چې دا پیښه په داسې حال کې رامنځته کېږي چې په دې وروستیو کې په سعودي عربستان کې په تفریحي پروګرامونو نیوکې د هرې ورځې په تېرېدو مخ په ډېرېدو دی.
په سعودي عربستان کې ډېر خلک په تفریحي پروګرامونو نیوکې کوي او وايي چې دا ډول پروګرامونه د هیواد د ملي ارښتونو سره په ټکر کې دي.
ياده دې وي چې د سعودي عربستان ولیعهد محمد بن سلمان په سعودي کې په باور نکوونکو اصلاحاتو په راوستو سره د تفریحي پروګرامونو جوړولو ته اجازه ورکړې ده .
