ډاکټر یوسف اکبري
د هیواد په روانه جګړه کې دوه ډوله جبهي جګړه پر مخ بیایي: مخامخ جبهه او د پردې تر شا جبهه.
د پردې تر شا جګړه ماران شته خو ټوپک نلري اما د جګړې د دوام مهمه برخه دي او دا جګړه ماران ځکه د جنګ په دوام او مزمن کيدو پانګونه کوي چې د هیواد د شتمنيو د تاراج سلسله روانه وساتي او هغه مافيایې ډلې چې د همدې مزمن جنګ ميرات او توليد دي دوی تر هر چا ډیر پیاوړي او غټ شوې، د دې قشر په ايجاد باندې زمونږ تاريخې دښمنانو په پلانې او سيستماتيکه توګه کار کړی او کوي یې.
دې وینې زبیښونکي مافیایی قشر خورا بې شمیره خطرناک بچي زیږولي چې له جملي نه یې د قيمتي کاڼو مافیا، د لرګيو او ځنګلونو مافیا، د تاريخي اثارو مافيا، د ناقانونه تجارتونو او قاچاق مافيا، اقتصادي مافیا، د اصیل کلتور د تخريب مافيا، د قومي نفاق مرموزه مافيا، د وسلو مافيا، د مخدره توکو مافيا، د پرديو کرنسيو د ترويج مافيا، د پيسو پولي مافيا، د اختطاف مافيا، د شوکاڼو او مرمرو مافيا، د ځمکو د غصب مافيا، دقانون دحاکمیت ضد مافیا، د اسلام د مبین دین په وړاندې د مزاحمت او تخريب مافيا او بالاخره د سیاسي ثبات د هرج و مرج مافيا او… همدغه د جګړې د دوام لوی لامل دی.
دوی په مرکز او ولايتونو کې د قوانينو او حاکميت ضد دي او په عين حال کې د قوانينو له مصؤنيتونو او ازاديو سخته غوښینه ګټه پورته کوي!
دا تر هر چا زیات خطرناک دی او تر څو چې اشغال او د اشغال په لاس کینول شوې ګوډاګۍ لاسپوڅې او غلامه اداره وي دا قشر به موجود او بلکې چاغ وی، امریکا د اسلام؛ وطن او ابادۍ د تخريب تر څنګ د همدې قشر د رشد لپاره ممد بستر ده، د امریکا او شړیدلی اذارې په شتون کې زمونږ اوبه هم ځکه ګاونډیو هیوادونو ته وړیا درومي، معادن غلا کيږي، اختطاف او نور جرایم تر سره کيږي، د نقدې سرمایې فرار تر سره کيږي، د امریکا د جګړې په سبب د قانون حاکميت او ملي قدرت تضعيف کيږي، وطن او وګړې محتاج پاته کيږي.
پدغسې يوې فضا کې نه یواځې دا چې دیني علماء او خیري ناکامورا ترور کيږي بلکې په روان کړکيچ کې هره ورځ زمونږ ملي شخصيتونه او کاري کدرونه هم ترور کیږي، زیربنایې پروژې تخريب کيږي، هره ورځ يوه ابادي په ويرانه تبديليږي، هره ورځ فقر او ناتواني زياتيږي، د اشغالګرو د جګړې او “مافیایې قشر” په سبب زمونږ زرګونه معزز دیني ستر علماء او قومې مشران يا شهيدان شول يا په ناتوانه کوچيدلو اواره ګانو او بې وسه انسانانو تبديل شوې.
د غلامی ادارې امنیتي ارګانونه خو هسې وسېلې دي دوی ثابته کړې چې د ترقۍ او پرمختګ ضد دي او د تخريبي پروسې په حيث استخدام شوې، خو زمونږ د جګړې اصلي دښمن د کرزي د وړاندوینې په مصداق سلامت په خپل سنګر کې ناست دی او له دې حالاتو ګټه پورته کوي، دوی زمونږ له وطن او دین سره په جګړې کې دغه تالي څټې اردو او لشکر مخته کړی او بې دریغه یې د سون د موادو په توګه مصرفوي، اما اصلي دښمنان له دواړو وينو خوند اخلې!
د دوی سره تر هغې قاطعانه او حکیمانه مبارزه زمونږ د محبوب دین او وطن د پرمختګ او د باعزته سوکاله ژوند لپاره پر ټولو اسلام ته ژمنو متدینو او مجاهدو افغانانو واجب ده چې د شورویانو او د هغوی د ګوډاګۍ ادارې په څیر په خړو سترګو راپرځول شوې نه وي.
