کابل ټکی کام (شنبه، ۷ مرغومی، ۱۳۹۸ل)
د سومالیا په پلازمينه موګادیشو کې درنه موټر بم چاودنه شوې چې په پايله کې يې ۶۰ تنه وژل شوي او لسګونه نور ټپيان شوي دي.
ياد بريد نن شنبه سهار مهال د پلازمينې موګادیشو ښار په یوه څنډه کې رامنځته شوی دی.
په پلازمينه “موګادیشو” کې د ژغورنې د ډلې يو مسؤل “عبدالقادر عبدالرحمن” رویټرز خبري آژانس ته ویلي، چې د پېښې له ځایه یې ۶۱ جسدونه او ۵۱ ټپيان د امبولانس موټرو په واسطه روغتونونو ته انتقال کړي دي.
تر دې دمه کومې وسلوالې ډلې د ياد بريد مسؤليت نه ده منلې خو تر دې مخکې د دا ډول بريدونو مسؤليت د “الشباب” جهادي ډلې په غاړه اخيستې و
