د ترکيې هیواد په لومړي ځل برقي موټر جوړ کړ چې په یو ځل چارج کولو ۵۰۰ کیلومتره لاره وهي، د ترکیې ولسمشر رجب طیب اردوغان لومړی اخیستونکی وه چې دا موټر يې واخیست او په خپله يې چلاوه.
د ترکیې رسنیو د راپور سره سم د استنبول په ښار کې د وادي شرقي په نوم موټر چې ۲۰۰ او ۴۰۰ هارس پاور ماشینو لرونکی موټر چې د ټوک به نوم کمپنۍ جوړ کړي، په لومړنۍ پرانست غونډه کې د دې هیواد ولسمشر اردوغان هم برخه اخیستي وه، هغه د لومړني ګاهک په څير لومړنی موټر ترې واخیست او ولسمشر اردوغان په خپله وچلولو.
دغه موټر چې په لیتیم بیټریو سمبال دي، په نیم ساعت کې چارج کیږي او بیا ۵۰۰ کیلومترو پورې مزل کولائ شي، د کمپنۍ مشر رفعت حصارجک اولو وايي، زه په اینده کې ۳،۷ ملیارده نور ډالر هم په دې برخه کې سرمایه ګذاري کوم، دغه موټر به عامو ترکانو ته په ۲۰۲۲ م کې بازار ته راوځي.
ددغه موټر په پرانست غونډه کې ولسمشر طیب اردوغان وویل، موږ هوايي الوتکې او څرخکې جوړو او ټوله دنیا له موږ څخه اخلي خو اوس دا دی موږ خپل برقي موټر هم لرو، ولسمشر اردوغان په احساساتي غږ دا هم وویل، چې اوس د استاد نجم الدین اربکان لیدلی خوب پوره شو.
د یادونې وړ ده چې له اروپا څخه وروسته ترکیې هیواد ده چې ډیر موټر پکې اخیستل کیږي.
