کابل ټکی کام (پنجشنبه، ۳۰ چنګاښ، ۱۴۰۱ل)
په سریلانکا کې وروسته تر هغه یو ځل بیا خلک لارو کوڅو ته راووتل چې پارلمان د دغه هېواد پخوانی لومړی وزیر “رانیل ویکر مسینګي” ته د نوي ولسمشر په توګه د باور رایه ورکړه.
لاریونوال وایي چې “مسینګي” هم د پخواني ولسمشر ملګری و، له هغه سره یې په فساد کې برخه اخیستې او د هیواد شتمنۍ یې لوټ کړي دي.
رایونوال تور لګوي چې نوی ټاکل شوی ولسمشر د سریلانکا په اقتصادي او سیاسي بحران کې د پخواني ولسمشر هومره ښکېل دی نو دوی یې د ولسمشر په توګه نه شي منلی.
لاریون کوونکو خبرداری ورکړی دی چې دوی به د “رانیل ویکر مسینګي” تر استعفا پورې خپلو لاریونونو ته دوام ورکړي.
