کابل ټکی کام(سه شنبه، ۱۷ لړم، ۱۴۰۱ل)
د راپورونو له مخې، د کراچۍ له زندانونو څخه ۳۰ تنه افغانان خوشې او خپل هېواد ته ستانه شول.
په کراچۍ کې د افغانستان کونسلګري وايي، چې د کراچۍ ښار د عدلیې او قضایی ارګانونو او ذیربطو ادارو سره د افغانستان اسلامی امارت جنرال قونسلګرۍ د پرلپسې هڅو او تماسونو په پایله کې ياد 30 تنه هیوادوال چې د قانونی اسنادونو د نه لرولو په تور د پولیسو له لورې نیول شوي او بندیان شوي وو. بالاخره د شنبې په ورځ نیټه 12/8/1401 مطابق 2022/11/05 د کراچۍ له زندانونو څخه خوشې او هیواد ته ولیږدول شول.
تر دې مخکې په سوشل ميډيا راپورونه خپاره شول چې د کويټې-چمن پر لاره تلونکي سلګونه افغانان د کراچۍ په ځينو ښارونو کې د پوليسو له لوري نيول شوي او په زندانونو کې اچول شوي دي.
