کابل ټکی کام (شنبه، ۲۴ مرغومي، ۱۴۰۱ل)
د اسلامي امارت په مشرۍ افغان سرپرست حکومت وايي چې د ملګرو ملتو د امنیت شورا اندېښنې درک کوي، خو هڅه کوي، تر څو ټولې چارې د اسلامي شریعت په رڼا کې تنظیم کړي او د غیر شرعي اقداماتو مخه ونیسي.
د اسلامي امارت مرکزي ویاند “ذبیح الله مجاهد” پر خپله ټویټر پاڼه لیکلي چې نړیوالو سازمانونو او هېوادونو ته په کار ده چې د افغانستان حالات او د خلکو غوښتنې درک کړي او نړیوال بشري موضوعات او انساني مرستې له سیاسي موضوعاتو سره ونه تړي.
نوموړي زیاته کړې، اسلامي امارت په ټولو هغو برخو کې همکارۍ ته ژمن دی چې له دیني اصولو او ملي ارزښتونو سره برابر وي.
د ویلو ده چې د ملګرو ملتونو د امنيت شورا پرونۍ ناسته چې د افغانستان د حالاتو او د اسلامي امارت له لوري پر ښځو د لګېدلو محدودیتونو په تړاو جوړه شوې وه، په یوه ګډه وینا پاڼه کې په افغانستان کې د نجونو او ښځو د وضعیت په اړه اندېښنه ښودلې او له اسلامي امارت یې غوښتي چې پر ښځو لګول شوي بندیزونه ژر تر ژره لرې کړي
د ملګرو ملتونو د امنیت شورا د غونډې په اړه.
د ا.ا.ا د امنیت شورا اندیښنې درک کوي؛ خو اسلامي امارت هڅه کوي، تر څو ټول امور د اسلامي شریعت په رڼا کې تنظیم کړي، ځکه د خپل دین او خلکو په وړاندې د مسؤلیت د احساس له امله نشي کولای، غیر شرعي اقداماتو ته په هېواد کې اجازه ورکړي.
۲/۱— Zabihullah (..ذبـــــیح الله م ) (@Zabehulah_M33) January 14, 2023
